Angliyalik hujumchi Markus Reshford shu yozda "Manchester Yunayted" jamoasidan "Barselona" klubiga o‘tdi. Bu haqida Euro-football.ru xabar berdi.
U kelasi mavsum La Ligada ro‘yxatdan o‘tishi borasida o‘z fikrini bildirdi. Reshfordning aytishicha, bu masalada hech qanday xavotiri yo‘q, klub rahbariyatiga to‘liq ishonadi.
Hozirda uning butun e’tibori yangi mavsumga tayyorgarlikka qaratilgan. Futbolchi jamoa oldida muhim maqsadlar turganini, ayniqsa, Chempionlar Ligasida g‘alaba qozonishga intilayotganini ta’kidladi.
Reshford o‘tgan mavsum yaxshi o‘tganini, biroq kelasi yil natijani yanada yaxshilash niyatida ekanini aytdi. Ma’lumot uchun, "Barselona" Reshfordni sotib olish huquqi bilan ijaraga olgan.
2024/2025 yilgi mavsumning ikkinchi yarmida Markus Reshford "Aston Villa" safida ijarada to‘p surgan. Hozirda u "Barselona" tarkibida asosiy o‘rin uchun kurashmoqda va jamoaning yangi mavsumdagi rejalari ustida ishlamoqda.
Futbolchining so‘zlariga ko‘ra, klub va muxlislar oldidagi ishonchni oqlash uchun bor kuchini sarflaydi.
