Isak va "Nyukasl" o‘rtasida kelishmovchilik kuchaymoqda

"Nyukasl" hujumchisi Aleksandr Isak klub rahbariyatining unga bo‘lgan munosabatidan qattiq norozi. Bu haqida Euro-football.ru xabar berdi.

Shvetsiyalik futbolchi klub o‘z va’dasiga amal qilmaganini ta’kidlamoqda. Uning so‘zlariga ko‘ra, klub unga ikki imkoniyatdan birini va’da qilgan: yoki jamoani tark etishiga ruxsat berish, yoki yangi va yaxshilangan shartnoma taklif qilish.

Shu bois Isak o‘zini xafa, ranjigan va noroziligini yashirmayapti. Bu haqda Sky Sports xabar berdi.

Ma’lumotlarga ko‘ra, Aleksandr Isak “Liverpul” klubi bilan kelishuvga erishgan, biroq “Nyukasl” rahbariyati “Liverpul” tomonidan bildirilgan transfer taklifini rad etgan. Shuningdek, ayrim manbalarga ko‘ra, “Liverpul” yaqin kunlarda yangi taklif bilan yana murojaat qilishi mumkin.

25 yoshli futbolchi transfer oynasi yopilguniga qadar Arne Slot boshchiligidagi jamoaga o‘tishga umid qilmoqda. Hozirda Aleksandr Isakning “Nyukasl” bilan amaldagi mehnat shartnomasi 2028 yil yozigacha mo‘ljallangan.

Shu sababli uning kelajagi haqida aniq qaror hali qabul qilinmagan. Futbolchining klub bilan kelishmovchiligi davom etmoqda.