Xabi Alonso Rodrigo o‘yinidan hali to‘liq qoniqmayapti
"Real" jamoasining bosh murabbiyi Xabi Alonso jamoani yangi mavsumga tayyorlash ishlarini boshladi. Bu haqida Euro-football.ru xabar berdi.
Ma’lumotlarga ko‘ra, murabbiy hozircha hujumchi Rodrigo o‘yinidan to‘liq qoniqmayapti. Shu bilan birga, Rodrigo ham o‘zining "Real"dagi o‘rni borasida ishonchsizlik sezmoqda va agenti bilan boshqa jamoaga o‘tish imkoniyatini muhokama qilmoqda.
Avvalgi xabarlarda aytilishicha, Rodrigo Xabi Alonso bilan suhbatlashgan, biroq transfer uchun rasmiy ariza bermagan. Rodrigo "Real" safida jami 270 rasmiy o‘yinda maydonga tushgan.
Ushbu o‘yinlarda braziliyalik futbolchi 68 ta gol urgan va 51 marotaba jamoadoshlariga gol urishga yordam bergan. Nufuzli Transfermarkt portali Rodriogoning narxini 90 million yevro deb baholamoqda.
Hozircha futbolchining kelajagi borasida aniq qaror qabul qilinmagan. Uning "Real"da qolishi yoki boshqa jamoaga o‘tishi haqida yaqin kunlarda aniqlik kiritilishi kutilmoqda.
Klub rahbariyati va murabbiylar shtabi ushbu masalani diqqat bilan kuzatmoqda.
