Manchester Siti markaziy himoyachisi Jon Stouns yangi mavsumdan kutayotgan umidlari haqida o‘z fikrlarini bildirdi. Bu haqida Euro-football.ru xabar berdi.
Manchester Siti o‘tgan mavsumda o‘z oldiga qo‘yilgan maqsadlarga erisha olmadi va faqat turnir so‘ngida Premer-ligada uchinchi o‘rinni egallashga muvaffaq bo‘ldi. Kubok bahslarida ham, Chempionlar ligasida ham Xosep Gvardiola jamoasi kutilgan natijalarni ko‘rsata olmadi.
Jon Stounsning aytishicha, o‘tgan mavsum avvalgi yillardagi yutuqlarning naqadar muhimligini yana bir bor ko‘rsatib berdi. U ilgari erishilgan natijalardan faxrlanishini, biroq o‘tgan yilgi muvaffaqiyatsizlikdan afsusda ekanini ta’kidladi.
Uning so‘zlariga ko‘ra, uchinchi o‘rin ular uchun yaxshi natija emas va bunday holatni qayta takrorlashni istashmaydi. Jamoa o‘z o‘yinini yaxshilashi, avvalgi kuchli natijalarni qaytarishi va yana g‘alabaga intilishi lozim.
Stouns yangi mavsum oldidan jamoada kuchli motivatsiya borligini qayd etdi va muxlislarni yaxshi natijalar kutishini aytdi. 16 avgust kuni Manchester Siti yangi mavsumning birinchi turida Vulverxempton jamoasiga qarshi bahs olib boradi.
