«Yuventus» hujumchisi Dushan Vlahovich kelajakda qaysi jamoada o‘ynashni xohlashini allaqachon aniqlab olgan. Bu haqida Euro-football.ru xabar berdi.
25 yoshli futbolchi Turkiya yoki Saudiya Arabistoniga ko‘chib o‘tishga qiziqmayapti. Angliya klublari ham unga jiddiy qiziqish uyg‘otgani yo‘q.
Italiya nashrlarining yozishicha, serbiyalik futbolchi faoliyatini «Milan» klubida davom ettirishni afzal biladi. «Milan» rahbariyati Vlahovichni tarkibga qo‘shish uchun harakat qilmoqda, biroq tomonlar o‘rtasida kelishuv hali erishilmagan.
Muzokaralar oson kechmasligi kutilmoqda. «Yuventus» jamoasi bu yozda Dushan Vlahovich bilan xayrlashmoqchi, sababi uning amaldagi shartnomasi kelasi yilning o‘rtalarida yakunlanadi.
2024/2025 yilgi mavsumda Vlahovich 44 ta o‘yinda maydonga tushib, 17 ta gol va 5 ta golli uzatmani amalga oshirdi. Bu natijalar uning yuqori darajadagi hujumchi ekanini yana bir bor tasdiqlaydi.
Hozircha futbolchining kelajagi borasida aniq qaror qabul qilinmagan, ammo uning «Milan» klubiga o‘tish ehtimoli yuqori baholanmoqda. Muzokaralar davom etmoqda va kelasi haftalarda bu borada yangiliklar kutish mumkin.
