“Manchester Siti” markaziy himoyachisi Jon Stouns klubdan ketishi mumkinligi haqidagi xabarlarga munosabat bildirdi. Bu haqida Euro-football.ru xabar berdi.
Angliyalik futbolchi jamoa tarkibini yoshartirish maqsadida klub tark etishi mumkin bo‘lgan futbolchilar ro‘yxatida tilga olingan. Biroq hozircha bu borada aniq takliflar yoki rasmiy muzokaralar haqida ma’lumot berilmagan.
Jon Stouns bu borada quyidagilarni aytdi: “Menga bu haqda gapirishadi, lekin men bunday narsadan bexabarman. Bu gaplar kulgili tuyuladi, lekin nima uchun shunday mish-mishlar tarqalayotganini tushunaman.
Bu yerda sharhlashga arzirli holat yo‘q. ‘Manchester Siti’da o‘ynashdan mamnunman, hech qanday muzokaralar olib borilmayapti.
Men bu yerda o‘ynash, kurashish va imkon qadar sovrinlar yutish uchunman”, – deydi 31 yoshli futbolchi. Ma’lumot uchun, Jon Stounsning “Manchester Siti” klubi bilan amaldagi shartnomasi kelasi yilning o‘rtalarida yakuniga yetadi.
Hozircha klub futbolchining kelajagi borasida rasmiy bayonot bermagan.
