Jon Stouns yangi mavsum oldidan sog‘lig‘i haqida gapirdi
“Manchester Siti” jamoasining markaziy himoyachisi Jon Stouns yangi mavsum boshlanishi arafasida o‘zini qanday his qilayotgani haqida so‘z yuritdi. Bu haqida Euro-football.ru xabar berdi.
O‘tgan mavsumda Jon Stounsning doimiy jarohatlari “shaharliklar” uchun muammolardan biri bo‘ldi. Futbolchi barcha musobaqalarda atigi 20 ta o‘yinda maydonga tushdi.
U uchta gol urdi va ikki marta jamoadoshlariga gol urishda yordam berdi. Stouns o‘zining sog‘lig‘i haqida shunday dedi: “Hozirda hammasi yaxshi.
Sport formasini tiklab oldim, o‘zimni a’lo darajada his qilmoqdaman. Bu holat bir necha oydan beri davom etmoqda.
Hozircha hammasi juda yaxshi,” — dedi 31 yoshli futbolchi Hayters TV bilan suhbatda. Ma’lumot uchun, 16 avgust kuni Xosep Gvardiola boshchiligidagi jamoa yangi mavsumning birinchi turida safarda “Vulverxempton”ga qarshi bahs olib boradi.
Bu uchrashuv Angliya Premer-ligasining navbatdagi mavsumiga start beradi. “Manchester Siti” bu safar yuqori natijalarga erishishni maqsad qilgan.
