Tottenxem Rafael Leau transferiga qiziqish bildirmoqda
Portugaliya terma jamoasi va "Milan" klubi hujumkor yarim himoyachisi Rafael Leau Angliya chempionatida faoliyatini davom ettirishi mumkin. Bu haqida Euro-football.ru xabar berdi.
Xabarlarga ko‘ra, "Tottenxem" klubi ushbu futbolchini o‘z safiga qo‘shib olishga qiziqmoqda. Ma’lumotlarga qaraganda, 26 yoshli portugaliyalik futbolchining transfer narxi 70 million yevroga baholanmoqda.
Rafael Leau "Milan" klubi bilan tuzgan shartnomaga ko‘ra, 2028 yilning iyun oyi oxirigacha ushbu jamoada to‘p surishi kerak. O‘tgan mavsumda Rafael Leau Italiya A Seriyasida 34ta o‘yinda maydonga tushdi.
U mazkur uchrashuvlarda 8ta gol urdi hamda 8ta golga assistentlik qildi. Shu bilan birga, futbolchining o‘yinidagi barqarorlik va samaradorlik ko‘plab klublarning e’tiborini tortmoqda.
"Tottenxem" ham Rafael Leauning tajribasi va mahoratini yuqori baholamoqda. Hozircha rasmiy taklif kelib tushgani haqida ma’lumot yo‘q, biroq kelgusi transfer oynasida futbolchining faoliyati bilan bog‘liq yangiliklar kutilyapti.
