Moskvaning Spartak futbol klubi va sobiq Sovet Ittifoqi terma jamoasi futbolchisi bo‘lgan Yuriy Gavrilov Rossiya klublaridagi legioner futbolchilar haqida o‘z fikrlarini bildirdi. Bu haqida Euro-football.ru xabar berdi.
Uning so‘zlariga ko‘ra, hozirgi vaqtda Rossiya klublari Yevropa musobaqalarida ishtirok etmayapti. Shunday sharoitda, legioner futbolchilar sonini kamaytirish mumkin.
Har bir chiziqda bittadan xorijlik futbolchi bo‘lishi yetarli, deb hisoblaydi Yuriy Gavrilov. U ayni paytda yosh futbolchilarga imkoniyat berish zarurligini ta’kidladi.
Gavrilovning fikricha, hozirgi holatda yoshlar o‘zlarini ko‘rsatishlari uchun yaxshi sharoit yaratilmoqda. So‘nggi ma’lumotlarga ko‘ra, kelasi mavsumdan boshlab Rossiya futbol rasmiylari chet ellik futbolchilar uchun joriy etilgan cheklovni bosqichma-bosqich kuchaytirishni rejalashtirmoqda.
Yangi tartibga muvofiq, Rossiya Premyer ligasi klublari mavsum uchun beriladigan umumiy arizaga 13 nafar emas, 10 nafar legionerni kiritishlari mumkin bo‘ladi. Shuningdek, maydonga bir vaqtning o‘zida chiqadigan xorijlik futbolchilar soni 8 nafardan 5 nafarga kamaytiriladi.
Ushbu o‘zgarishlar yosh futbolchilarga ko‘proq imkoniyat yaratishi kutilmoqda.
