Fonbet Rossiya Kubogi doirasida «Pari NN» va «Rostov» jamoalari o‘rtasidagi o‘yin boshqa shaharga ko‘chirilishi mumkin. Bu haqida Euro-football.ru xabar berdi.
Avvalroq, Nijniy Novgorod klubi ushbu uchrashuv 14-avgust kuni Yekaterinburgda bo‘lib o‘tishini ma’lum qilgan edi. Biroq, «Pari NN» klubi bosh direktori David Melik-Guseynov uchrashuv Saransk shahrida ham o‘tkazilishi ehtimoli borligini aytib o‘tdi.
Melik-Guseynovning so‘zlariga ko‘ra, yaqinda «Mordoviya Arena» stadioni o‘yinlar o‘tkazishga ruxsat beruvchi hujjatlarni olgan. Endilikda yakuniy qarorni Rossiya Futbol ittifoqi qabul qiladi.
Unga ko‘ra, «Rostov» bilan bo‘ladigan uchrashuv Saranskda o‘tkazilishi mumkin, lekin hozircha bu borada aniq ma’lumot yo‘q. Shuningdek, «Pari NN» klubi 18-avgust kuni Rossiya Premyer Ligasi doirasida Mahachqal’aning «Dinamo» jamoasiga qarshi o‘tkaziladigan uy uchrashuvi ham Saranskda bo‘lib o‘tishini e’lon qildi.
Ma’lumki, hozirda «Pari NN» jamoasi o‘z maydonida o‘yin o‘tkaza olmayapti. Bunga stadioni ta’mirlash ishlari sabab bo‘lmoqda.
Shu bois, klub o‘z o‘yinlarini boshqa shaharlarda o‘tkazishga majbur bo‘lyapti. Yakuniy qarorlar Rossiya Futbol ittifoqi tomonidan tasdiqlanadi.
