"Krilya Sovetov" jamoasi bosh murabbiyi Magomed Adiyev jamoa hujumchisi Vadim Rakov haqida o‘z fikrini bildirdi. Bu haqida Euro-football.ru xabar berdi.
Uning so‘zlariga ko‘ra, Vadim Rakov muntazam mashg‘ulotlarda qatnashib, o‘yinlarga puxta tayyorgarlik ko‘rmoqda va gollar urmoqda. Murabbiy Rakovga ko‘proq o‘yin amaliyoti hamda ishonch berilganini ta’kidladi.
Shu bilan birga, murabbiylar shtabi futbolchining harakatlarini diqqat bilan kuzatib borayotganini, uni ortiqcha ishonch yoki maqtovdan asrashga harakat qilayotganini qayd etdi. Jamoada tajribali futbolchilar ham bor, ular yosh futbolchiga doimiy yordam ko‘rsatib, uni nazoratda ushlab turishmoqda.
Magomed Adiyev, shuningdek, Vadim Rakovning yuqori natijalari doimiy bo‘lib qolmasligi mumkinligini ham aytdi. Ya’ni, hozirgi muvaffaqiyatli o‘yinlar uzoq davom etmasligi tabiiy, bu holat murabbiy va futbolchining istagiga bog‘liq emasligini tushuntirdi.
Vadim Rakov joriy yilning yozida "Lokomotiv" klubidan Samaradagi "Krilya Sovetov" jamoasiga ijaraga o‘tdi. U klub safida 2024-yil iyuniga qadar o‘ynaydi.
20 yoshli futbolchi hozirgi mavsumda uchta uchrashuvda maydonga tushib, to‘rtta gol urdi va bir marta golli uzatma berdi.
