Madridning “Real” futbolchisi Rodrigo klubni tark etishni rejalashtirmayapti. Bu haqida Euro-football.ru xabar berdi.
Shunga qaramay, uning kelajagi hozircha noma’lumligicha qolmoqda. Ma’lumotlarga ko‘ra, braziliyalik futbolchi yangi bosh murabbiy Xabi Alonsoning jamoasida asosan zaxira o‘yinchisi sifatida maydonga tushishi mumkin.
Biroq Rodrigo klubdan ketish niyatida emas. Jurnalist Arancha Rodrigesning xabar berishicha, 24 yoshli vinger “Real”da qolishga qaror qilgan.
Shu bilan birga, u yangi murabbiy unga umuman ishonmasa, o‘z qarorini qayta ko‘rib chiqishi mumkinligini ham istisno qilmagan. Rodrigoga Yevropaning bir qator kuchli klublari, xususan, “Liverpul”, “Arsenal” va “PSJ” qiziqish bildirgan.
Transfermarkt portali ma’lumotiga ko‘ra, “Real” futbolchisining narxi 90 million yevroga baholanmoqda. Shu sababli, Rodrigo kelajagi borasida yakuniy qarorni yangi mavsum boshlanishidan oldin qabul qilishi ehtimoldan xoli emas.
Hozircha esa u Madrid klubida faoliyatini davom ettirish niyatida.
