“Chelsi” markaziy himoyaga yangi futbolchi izlamoqda
“Chelsi” jamoasining bosh murabbiyi Enso Mareska jamoada qaysi pozitsiya kuchaytirishga muhtoj ekanini aytib o‘tdi. Bu haqida Euro-football.ru xabar berdi.
Yangi mavsum boshlanishi arafasida londonliklar markaziy himoyachisi Levi Kolvillni yo‘qotdi. U tizzasidagi og‘ir jarohat sabab uzoq muddat safdan chiqdi.
Bosh murabbiy Mareska klub Kolvill o‘rniga munosib futbolchi izlayotganini tasdiqladi. Markaziy himoyani kuchaytirish hozirda jamoaning asosiy vazifasi hisoblanadi.
Kolvill ajoyib futbolchi, o‘tgan mavsumda erishilgan natijalarimizda uning hissasi katta bo‘lgan. U biz uchun juda muhim, doim asosiy tarkibda maydonga tushgan.
Endi esa uning o‘rni juda bilinadi va biz uni sog‘inamiz, dedi Mareska. Ma’lumot uchun, “Chelsi” yangi mavsumning birinchi turida, 17 avgust kuni o‘z maydonida “Kristal Pelas” jamoasiga qarshi bahs olib boradi.
