Madridning Real jamoasi hujumchi Rodriyoni ijaraga berishni rejalashtirmayapti. Bu haqida Euro-football.ru xabar berdi.
Klub rahbariyati braziliyalik futbolchining jamoada qolishini ma’qul deb hisoblamoqda. Hozirda asosiy murabbiy Xabi Alonso hujum chizig‘ida Mbappe va Vinisius duetiga tayanishni ko‘zlamoqda.
Shu sababli, Rodriyo muntazam maydonga tushmasligi mumkin. Biroq futbolchining o‘zi klubni tark etishni istamayapti.
Aksariyat hollarda bunday vaziyatda futbolchini boshqa jamoaga ijaraga berish maqsadga muvofiq bo‘lardi, lekin Real bunday qarorni ko‘rib chiqmayapti. Madrid klubi bu borada qat’iy pozitsiyani egallagan.
Ba’zi manbalarga ko‘ra, Angliyaning Arsenal klubi 24 yoshli futbolchini o‘z safiga qo‘shib olishga tayyor edi. Shunga qaramay, Real Rodriyoni ijaraga bermaslikka qaror qilgan.
Futbolchining klub bilan amaldagi shartnomasi 2028 yilgacha mo‘ljallangan. Transfermarkt ma’lumotiga ko‘ra, Rodriyoning bozor bahosi 90 million yevroga teng.
