Sobiq CSKA jamoasi bosh murabbiyi Valeriy Gazzaev CSKAning hozirgi murabbiyi Fabio Chelestini boshchiligidagi o‘yini haqida fikr bildirdi. Bu haqida Euro-football.ru xabar berdi.
Gazzaevning aytishicha, CSKA jamoasi so‘nggi paytlarda maydonda o‘zini ishonchli ko‘rsatmoqda. U ayniqsa jamoaning "Zenit" bilan o‘yini va "Rubin"ga qarshi uchrashuvini yuqori baholadi.
Murabbiy yosh futbolchilarga ham imkoniyat berayotganidan mamnunligini ta’kidladi. Mutaxassisga ko‘ra, CSKA jamoasining o‘yin uslubi unga ma’qul keladi, chunki jamoa mazmunli va samarali futbol namoyish qilmoqda.
Joriy mavsumda CSKA to‘rtta uchrashuvda sakkiz ochko jamg‘ardi. Hozirda Fabio Chelestini boshchiligidagi jamoa Rossiya oliy ligasi turnir jadvalida uchinchi o‘rinda bormoqda.
Keyingi turda CSKA safarda Moskvaning "Dinamo" jamoasiga qarshi bahs olib boradi.
