Sobiq mashhur futbolchi Dmitriy Xomuxa “Axmat” jamoasining “Zenit” ustidan kecha o‘tkazilgan o‘yindagi g‘alabasi haqida fikr bildirdi. Bu haqida Euro-football.ru xabar berdi.
Sankt-Peterburgning “Zenit” jamoasiga qarshi uchrashuvda “Axmat” jamoasi bosh murabbiyi Stanislav Cherchesov shogirdlari joriy mavsumda ilk bor g‘alabaga erishdi. Uchrashuv 1:0 hisobida yakunlandi.
Dmitriy Xomuxaning so‘zlariga ko‘ra, bu natija kutilmagan bo‘lsa-da, Cherchesov boshchiligida jamoaning ruhiy tayyorgarligi va o‘zini to‘liq berishi ancha kuchayishi aniq edi. Chunki bu murabbiyning asosiy fazilatlaridan biridir.
Xomuxa fikricha, jamoa qishgi tanaffusga qadar kuchli o‘ntalikdan joy olishi kerak. Eslatib o‘tamiz, Stanislav Cherchesov avgust oyining boshida “Axmat” jamoasi bosh murabbiyi etib tayinlangan.
U klub bilan uch yilga mo‘ljallangan shartnoma imzolagan. Avvalroq Cherchesov Qozog‘iston terma jamoasi, Vengriyaning “Ferentsvarosh” klubi hamda Rossiya terma jamoasini boshqargan.
