Yaqinda ayrim manbalarda Moskvaning CSKA va Spartak klublari Saudiya Arabistonining Al-Fateh jamoasida o‘ynayotgan markaziy himoyachi Jorje Fernandeshga qiziqish bildirayotgani haqida xabarlar tarqaldi. Bu haqida Euro-football.ru xabar berdi.
Bu haqda futbolchining agenti Seku Traore ma’lumot bergan edi. Biroq, Euro-Futbol.Ru nashri ushbu ma’lumotlar to‘liq haqiqatga mos kelmasligini ma’lum qildi.
Manbaga ko‘ra, Spartak klubi Jorje Fernandeshni himoya chizig‘ini kuchaytirish uchun nomzod sifatida ko‘rib chiqmayapti. Portugaliyalik futbolchi ilgari ham klubning transfer rejasiga kiritilmagan.
CSKA klubi esa Fernandeshga ma’lum darajada qiziqish bildirgan, biroq klub rahbariyati uni asosiy transfer maqsadi sifatida ko‘rmayapti. Ya’ni, Fernandesh CSKA uchun asosiy variant emas.
Jorje Fernandesh 2025 yil qishida Al-Fateh klubiga o‘tgan. Unga qadar u Portugaliyaning Vitoriya Gimaraesh jamoasida to‘p surgan.
O‘tgan mavsumda 28 yoshli futbolchi jami 30 ta o‘yinda maydonga tushib, bir marotaba gol urgan. Hozircha uning boshqa klublarga o‘tishi yuzasidan rasmiy ma’lumot yo‘q.
