Markos Roho “Rasing” bilan bir yarim yillik shartnoma tuzdi
35 yoshli argentinalik himoyachi Markos Roho endilikda Argentinaning “Rasing” klubi futbolchisi bo‘ldi. Bu haqida Euro-football.ru xabar berdi.
Bu haqda Avellaneda shahridagi klub matbuot xizmati xabar berdi. Markos Roho bilan tuzilgan shartnoma bir yarim yilga mo‘ljallangan.
Eslatib o‘tamiz, o‘tgan hafta Roho “Boka Xuniors” jamoasini tark etgandi. Uning jamoani tark etishi haqida mish-mishlar Klublar o‘rtasidagi jahon chempionati vaqtidayoq paydo bo‘lgan.
O‘sha musobaqada futbolchi jamoa bosh murabbiyi bilan kelishmovchilikka uchragani haqida ommaviy axborot vositalari ma’lumot bergan. Markos Roho futbolchilik faoliyati davomida o‘zining tug‘ilgan shahri jamoasi “Estudiantes”, Moskvaning “Spartak”, Lissabonning “Sporting” va Angliyaning “Manchester Yunayted” klublarida ham to‘p surgan.
Himoyachi sifatida u Argentina milliy terma jamoasi safida 60 dan ortiq o‘yin o‘tkazib, uchta gol muallifi bo‘lgan. Markos Roho o‘zining tajribasi va mahorati bilan yangi jamoasiga foyda keltirishi kutilmoqda.
