Garnacho Chelsiga o‘tish uchun Manchesterdan ruxsat so‘radi
Alejandro Garnacho Manchester Yunayted jamoasidan Chelsi klubiga o‘tishni qat’iy maqsad qilgan. Bu haqida Euro-football.ru xabar berdi.
U transfer oynasi yopilguniga qadar yangi jamoaga o‘tishga harakat qilmoqda. Ruben Amorim 21 yoshli futbolchiga jamoada o‘rin topilmasligini bildirgan va Garnacho London klubi taklifiga rozilik bergan.
Biroq Chelsi klubi hali Manchester Yunaytedning transfer shartlariga to‘liq javob bera olgani yo‘q. Ma’lumotlarga ko‘ra, argentinalik futbolchi jamoa rahbariyatidan Chelsiga o‘tishga ruxsat berishni so‘ramoqda.
U rahbariyatga “Agar meni Chelsiga qo‘yib yubormasangiz, keyingi olti oydan o‘n ikki oygacha maydonga chiqmayman”, deganini bildirgan. Bu holat Garnachoning aynan Enso Mareska boshchiligidagi jamoaga o‘tishni istayotganini ko‘rsatmoqda.
Futbolchining boshqa klublarga o‘tish borasida qiziqishi yo‘q. Manchester Yunayted esa futbolchining Chelsiga o‘tishi uchun qo‘yilgan shartlarni ko‘rib chiqmoqda.
Hozircha ikki klub o‘rtasida yakuniy kelishuvga erishilmagan. Shu sababli transfer masalasi hali ochiq qolmoqda.
Garnacho o‘zining kelajagini faqat Chelsi bilan bog‘lash niyatida ekanini aniq bildirib kelmoqda.
