Zenit Lukas Beltran uchun Fiorentinaga 10 million yevro taklif qiladi
Rossiyaning “Zenit” futbol klubi Italiyaning “Fiorentina” jamoasida to‘p surayotgan argentinalik yarim himoyachi Lukas Beltran uchun o‘n million yevro taklif qilishga tayyor. Bu haqida Euro-football.ru xabar berdi.
Bu haqda Radio CRC jurnalisti Marko Jordano o‘z manbalariga tayanib xabar bermoqda. Ma’lum qilinishicha, “Zenit” klubi 24 yoshli futbolchining o‘yinini diqqat bilan kuzatib bormoqda.
Klub vakillari Beltranning bir nechta pozitsiyada harakat qila olishini va hujumda samarali o‘yin ko‘rsata olishini alohida ta’kidlamoqda. Shu bilan birga, futbolchining o‘zi ham Rossiya klubidan kelgan taklifga qiziqish bildirgan va Rossiya Premyer ligasida o‘ynashga tayyorligini bildirgan.
Lukas Beltranning “Fiorentina” klubi bilan amaldagi shartnomasi 2028 yil 30 iyungacha mo‘ljallangan. Transfer bozoridagi qiymati esa 18 million yevroga teng baholanmoqda.
2024/2025 yilgi mavsumda Beltran barcha klub musobaqalarida jami 47 o‘yinda maydonga tushib, oltita gol urgan va oltita golli uzatma amalga oshirgan. Shu tariqa, u jamoasining muhim o‘yinchilaridan biri sifatida e’tirof etilmoqda.
