Himoyachi Sesar Aspilikueta shu yil yozda Atletiko klubini tark etdi va erkin agent maqomini oldi. Bu haqida Euro-football.ru xabar berdi.
Mahalliy manbalarga ko‘ra, endilikda Aspilikueta o‘zining sobiq jamoasi Osasuna safiga qaytishi mumkin. Pampolona shahri vakillari 35 yoshli futbolchi bilan shartnoma imzolash imkoniyatini ko‘rib chiqmoqda.
Sesar Aspilikueta Osasuna tarbiyalanuvchisi hisoblanadi. U ushbu klubni bundan 15 yil avval, ya’ni 2010 yilning yozida tark etib, Marsel jamoasiga o‘tgan edi.
Shundan so‘ng, futbolchi bir necha mavsum davomida Chelsi va Atletiko klublarida ham faoliyat olib bordi. Osasuna uchun 2025/2026 yilgi mavsum 19 avgust, seshanba kuni boshlanadi.
Shu kuni jamoa Ispaniya chempionatining birinchi turida safarda Real klubiga qarshi bahs olib boradi. Klub rahbariyati tajribali himoyachi bilan tarkibni kuchaytirish orqali yangi mavsumda yuqori natijalarga erishishni maqsad qilgan.
