Donnarumma va PSJ shartnomasi uzaytirilmaydi: sabablar ochiqlandi
Agent Entso Rayola Djandluiji Donnarumma va Parij klubi o‘rtasidagi shartnoma nega uzaytirilmaganini tushuntirdi. Bu haqida Euro-football.ru xabar berdi.
Ma’lum qilinishicha, Parij klubi va darvozabon o‘zaro kelishuvga erisha olmagan. Hozirgi shartnoma esa kelasi yil yozda o‘z nihoyasiga yetadi.
O‘tgan haftada Parij klubi yangi darvozabon – Lyuka Shevaleni tarkibga qo‘shdi. U ilgari Lil klubi safida o‘ynagan.
Klub rahbariyati fransiyalik darvozabonga ishonch bildirdi va shu sababli italiyalik darvozabon Donnarumma transferga qo‘yildi. Seshanba kuni Donnarumma o‘zi klubni tark etishini ma’lum qildi.
Entso Rayola intervyusida shunday dedi: Biz shartnomani Klub jahon chempionatigacha uzaytirish masalasini muhokama qilgan edik. Trener fikrini bir oy ichida o‘zgartirganiga ishonmayman.
Aynan shu holat meni eng ko‘p ranjitdi. Shunday sharoitda shartnomani uzaytirmaslik eng to‘g‘ri qaror bo‘ldi.
Hozircha Donnarumma faoliyatini qaysi klubda davom ettirishi aniq emas. Ayrim manbalarga ko‘ra, u allaqachon Angliyaning Manchester Siti klubiga rozilik bildirgan.
Shu bilan birga, rasmiy bayonotlar hali berilmagan. Donnarumma kelajagi borasida yaqin kunlarda aniqlik kutilmoqda.
