Ukrainalik va rossiyalik futbolchilar bir jamoada to‘planishdi. Bu haqida Euro-football.ru xabar berdi.
Himoyachi Ilya Zabarnyy Parijning mashhur futbol klubi PSGga kelib qo‘shildi. Shu jamoada darvozabon Matvey Safonov ham to‘p suradi.
Bu yangilikdan so‘ng jurnalistlar va muxlislar klub hayotiga oid barcha foto va videolarni diqqat bilan o‘rganmoqda. Ular har qanday oddiy voqeani ham muhokama qilish yoki yangilik sifatida ko‘rsatishga harakat qiladigan bo‘ldi.
Jamoaga yangi futbolchi kelganida o‘yinchilar uni an’anaviy tarzda kutib olishadi. Yangi futbolchi jamoa a’zolari tuzgan tirik yo‘lakdan o‘tadi va har bir hamkasbi yengil zarbalar beradi.
Ushbu marosimdan olingan suratlarda Safonov ham yo‘lakda turgani va Zabarnyyga zarba bergani aks etgan. Bu oddiy holat bo‘lsa-da, ayrim muxlislar va jurnalistlar ushbu voqeani alohida e’tiborga olishdi.
PSG jamoasi yaqin kunlarda UEFA Superkubogi doirasida Tottenxemga qarshi o‘yin o‘tkazadi. Ushbu uchrashuvning matnli onlayn translyatsiyasini o‘tkazib yubormang.
