Ademola Lukman transferi bo‘yicha “Inter” bilan kelishuv amalga oshmadi
“Atalanta” hujumchisi Ademola Lukman yozgi transfer oynasida “Inter” jamoasiga o‘tmaydigan bo‘ldi. Bu haqida Euro-football.ru xabar berdi.
Klublar nigeriyalik futbolchini xarid qilish borasida uzoq vaqt muzokaralar olib bordi, biroq transfer shartlari bo‘yicha kelishuvga erishilmadi. Matbuot xabarlariga ko‘ra, hozirda muzokaralar to‘xtatilgan va kelishuv amalga oshmay qolishi mumkin.
“Inter” rahbariyati esa boshqa futbolchilar nomzodini ko‘rib chiqishni boshladi. Oyning boshida “Inter” Ademola Lukman uchun taxminan 45 million yevro to‘lashga tayyor ekani haqida xabarlar tarqalgan edi.
27 yoshli hujumchi yangi klubga o‘tishga qiziqish bildirgan va bu haqda “Atalanta” rahbariyatiga ma’lum qilgan. Biroq, barcha harakatlarga qaramay, tomonlar o‘rtasida yakuniy kelishuvga erishilmadi va transfer amalga oshmay qoldi.
Shu bois, “Inter” jamoasi hozirda boshqa futbolchilar bilan muzokara olib bormoqda.
