Manchester Yunayted jamoasining darvozaboni Andre Onana iyul oyining o‘rtalarida sonning orqa yuzasida jarohat olgan edi. Bu haqida Euro-football.ru xabar berdi.
Hozirda u Angliya chempionatining birinchi turida Arsenalga qarshi o‘tkaziladigan o‘yinda maydonga tushish imkoniyatiga ega. Uchrashuv 17 avgust kuni bo‘lib o‘tadi.
ESPN ma’lumotlariga ko‘ra, futbolchining sog‘ayish jarayoni kutilgandan tezroq amalga oshdi. Dastlab shifokorlar Onananing ikki oygacha maydondan chetda qolishi mumkinligini taxmin qilishgan, ammo hozirda u jamoa bilan birga mashg‘ulotlarda qatnashmoqda va jismoniy tayyorgarlikni yaxshi darajada o‘tayapti.
Endi asosiy murabbiy Ruben Amorim uning boshlang‘ich tarkibga kiritilishi yoki kiritilmasligi haqida so‘nggi qarorni qabul qiladi. O‘tgan mavsumda Onana Manchester Yunayted safida 50 ta o‘yinda maydonga tushib, 65 ta gol o‘tkazib yuborgan, shuningdek, 11 ta o‘yinda darvozasini toza saqlagan.
