Galatasaray jamoasining hujumchisi Mauro Ikardi faoliyatini Yevropa tashqarisida davom ettirishi mumkin. Bu haqida Euro-football.ru xabar berdi.
MLS ligasining noma’lum klubi argentinalik futbolchiga ikki yillik shartnoma taklif qilmoqda, shartnomani yana bir yilga uzaytirish imkoniyati mavjud. Bu haqda jurnalist Ekrem Konur xabar berdi.
32 yoshli futbolchining Galatasaray bilan amaldagi shartnomasi 2026 yil o‘rtalarida yakunlanadi, biroq turk klubi rahbariyati hamkorlikni davom ettirishga qiziqish bildirgan va futbolchi bilan muzokaralar o‘tkazishni rejalashtirmoqda. Yaqinda Mauro Ikardi noyabrdan beri davom etgan jarohatidan tuzaldi.
Maydonga qaytishi juda muvaffaqiyatli bo‘ldi, u zaxiradan tushgach darhol hisob ochdi. Shunday qilib, futbolchi jamoaga katta yordam berishga tayyor ekanligini ko‘rsatdi.
Galatasaray va Ikardi o‘rtasidagi kelgusidagi muzokaralar futbolchining kelajagi haqida aniqroq ma’lumot beradi.
