Perudagi jahon chempionatida yurtimiz vakillari yana podiumda

Peruda bo‘lib o‘tayotgan o‘smirlar va yoshlar o‘rtasidagi og‘ir atletika bo‘yicha jahon chempionatining navbatdagi kuni ham yurtimiz uchun muvaffaqiyatli kechdi. Bir qator vazn toifalarida g‘olib va sovrindorlar aniqlandi. Eng quvonarlisi — bu safargi mukofotchilar orasida o‘zbekistonlik sportchilar ham bor.

Marjona Abdumutalovadan ikkita medal

Ayollar o‘rtasida -59 kg vazn toifasida bellashgan Marjona Abdumutalova supachada muvozanatli harakatlar namoyon etib, yaxshi natijalar qayd etdi.

U siltab ko‘tarish mashqida 102 kg natija bilan bronza medalini qo‘lga kiritdi. Ikki kurash (dast + siltab) natijalariga ko‘ra, Marjona 190 kg umumiy yuklama bilan kumush medalga sazovor bo‘ldi. Bu natija O‘zbekiston delegatsiyasi hisobiga yana bir yirik sovrin qo‘shdi.

Xikmatillo Xaydarovdan ishonchli chiqish

Erkaklar o‘rtasida -81 kg vazn toifasida supachaga chiqqan Xikmatillo Xaydarov ham o‘ziga ishonch bilan harakat qildi. U dast ko‘tarish mashqida 154 kg to‘shni balandga ko‘tarib, bronza medalini qo‘lga kiritdi.

O‘smirlar va yoshlar o‘rtasidagi jahon chempionatida O‘zbekiston terma jamoasi a’zolari bir necha kundirki muntazam ravishda mukofotlar bilan taqdirlanmoqda. Bu – og‘ir atletika bo‘yicha yurtimizdagi tajriba va salohiyatning yana bir tasdig‘i.

Musobaqa davom etayotgan ekan, yana yangi medallar kutilmoqda. Sizningcha, terma jamoamiz necha ta sovrin bilan Peru safarini yakunlashi mumkin?