11 may kuni bo‘lib o‘tgan Ispaniya chempionatining 35-turi doirasidagi "Barselona" – "Real Madrid" uchrashuvi nafaqat maydondagi dramatik natija bilan, balki moliyaviy tomonlama ham klub tarixiga kirdi. Kataloniyaliklar so‘nggi yillardagi eng yuqori daromadni qayd etgan o‘yinni o‘tkazishdi.
Kamp Noudagi ushbu "El-Klasiko" nafaqat to‘rtta tomonlama kurash va gollar bilan to‘lib-toshgan spektakl bo‘ldi, balki moliyaviy jihatdan ham haqiqiy rekord yaratdi — "Barselona" biletlar sotuvi orqali 13,8 million yevro daromad qildi. Bu klub tarixidagi eng yuqori ko‘rsatkich sanaladi.
Uchrashuvni jonli tomosha qilish uchun 50 319 nafar muxlis stadion tribunalarini to‘ldirdi. Chipta narxlarining yuqoriligiga qaramay, talab yuqori bo‘lib, barcha o‘rinlar to‘liq to‘ldi.
Mazkur jangda "Barselona" o‘zining ashaddiy raqibi "Real" ustidan irodali g‘alabaga erishdi. O‘yin 4:3 hisobi bilan yakunlandi. Bu natija orqali Xans-Diter Flik shogirdlari La Ligadagi yetakchilikni yanada mustahkamlashdi. Ayni paytda "Barselona" hisobida 82 ochko mavjud, "Real" esa 75 ochko bilan ikkinchi o‘rinda bormoqda.
Chempionatning yakunlanishiga bor-yo‘g‘i 3 tur qolgan bir paytda, "Barsa"ning bu g‘alabasi va moliyaviy yutug‘i klubning ruhiy ustunligini yanada oshirdi.
Zamin.uz tahririyati ushbu rekordli natija bilan "Barselona"ni tabriklaydi va jamoaning oldindagi bellashuvlarda ham barqaror muvaffaqiyatlarga erishishini tilab qoladi. Muxlislar esa bu kabi “El-Klasiko”larni yanada ko‘proq ko‘rishga tayyor!
