Kataloniyaning mashhur klubi “Barselona”da yozgi o‘zgarishlar sur’at olmoqda. OAV tarqatayotgan ma’lumotlarga ko‘ra, jamoaning asosiy darvozaboni Mark-Andre ter Shtegen bilan yo‘llarni ajratish rejalashtirilgan. Qizig‘i shundaki, klub posbon ketishi uchun unga kompensatsiya pulini to‘lashga ham rozi.
Germaniyalik golkiperning “Barsa” bilan amaldagi shartnomasi 2028 yil yozigacha mo‘ljallangan bo‘lsa-da, klub undan erta qutulish istagida. Sababi — jamoa yangi mavsumda darvozaga boshqa nomzodlarni ko‘rib chiqmoqda. Jumladan, “Espanol” posboni Joan Garsiya va “Yuventus” tajribali darvozaboni Voysex Shesni klub radasida turibdi.
Ma’lumotlarga ko‘ra, “Barselona” rahbariyati kelgusi mavsumni yangi darvozabonlar bilan boshlash niyatida. Shu bois ham, Mark-Andrega shartnomani yakkalikda bekor qilish va ketish uchun kerakli miqdordagi yillik maoshini to‘lash imkoniyati taklif qilingan.
Futbolchi bu taklifga qanday munosabatda bo‘lishi hozircha noma’lum. Ammo “Barsa”ning unga nisbatan ishonchsizlik uyg‘onishi va boshqa nomzodlar bilan faol muzokara olib borayotgani uning ketish ehtimolini oshirmoqda.
Eslatib o‘tamiz, ter Shtegen 2014 yildan beri “Barselona” safida to‘p surib kelmoqda va ko‘p yillar davomida jamoa asosiy posboni hisoblangan. Ammo so‘nggi mavsumlardagi jarohatlar va noto‘g‘ri o‘yinlar uning nufuziga salbiy ta’sir ko‘rsatgan.
Zamin.uz tahririyati mazkur transfer mavzusining rivojini kuzatishda davom etadi. Agar ter Shtegen jamoani tark etsa, bu “Barselona”dagi yangi davr boshlanganini anglatishi mumkin. Sizcha, uning o‘rnini kim to‘ldira oladi?
