“Sochi” futbolchisi Vladimir Pisarskiy poligraf tekshiruvidan o‘tdi. Bu haqida Euro-football.ru xabar berdi.
Futbolchiga o‘z do‘sti orqali sport tikishlariga aloqadorlikda gumon qilingan edi. Gap “Sochi” va “Pari NN” o‘rtasidagi o‘yinda Pisarskining maydonni erta tark etishiga doir bo‘ldi. Sport Baza nashrining xabariga ko‘ra, Pisarskiy do‘stiga to‘rt million rubl pul o‘tkazganini tasdiqladi, ammo o‘yinning natijasiga ta’sir qilish haqida hech qanday gaplashmagan.
Forvard do‘stiga muntazam ravishda moliyaviy yordam berib turgan. Manbaning ma’lum qilishicha, Pisarskiy “yolg‘on detektori”da to‘rt savolga javob berdi: - “Sochi” va “Pari NN” o‘yini davomida qizil kartochka olishni ataylab amalga oshirdingizmi? (Javob: yo‘q) - Do‘stingiz bilan o‘yin orqali qo‘shimcha foyda olish maqsadida til biriktirdingizmi?
(Javob: yo‘q) - 28 maydagi o‘yinda o‘z manfaatlaringiz yo‘lida jamoangizga zarar yetkazishga harakat qildingizmi? (Javob: yo‘q) - Jamoangizga zarar yetkazish uchun ataylab biror ish qildingizmi?
(Javob: yo‘q) Vladimir Pisarskining javoblarida yolg‘on aniqlanmadi. Shunday qilib, futbolchining ushbu ayblovlar bilan aloqasi yo‘qligi tasdiqlandi.
