Argentinalik qanot hujumchisi Anxel di Mariya o‘z vatani Argentinaga qaytdi va endi «Rosario Sentral» jamoasi sharafini himoya qiladi. Bu haqida Euro-football.ru xabar berdi.
37 yoshli futbolchi iyun oyining oxirigacha Portugaliyaning «Benfika» klubida to‘p surgan, ammo shartnoma muddati tugagach, erkin agent sifatida jamoani tark etdi. Di Mariya ijtimoiy tarmoqlarda yozishicha, u o‘z faoliyatining Yevropadagi bosqichini yakunlab, vatanga qaytmoqda.
U bugungacha o‘n sakkiz yil davomida go‘zal shaharlarda yashab, ajoyib klublarda o‘ynaganini ta’kidladi. Bu davrda ko‘p qiyinchiliklar va muvaffaqiyatsizliklarni boshdan kechirgan, ammo ular uni bugungi kuchli futbolchiga aylantirgan.
Har bir klubga minnatdorlik bildirgan: «Benfika», «Real» Madrid, «Manchester Yunayted», «PSJ» va «Yuventus» unga shaxsiy va professional jihatdan o‘sishda yordam bergan. Har bir jamoada ajoyib insonlar va do‘stlik rishtalari yuzaga kelganini eslab, ularni hech qachon unutmasligini aytdi.
Di Mariya so‘nggi «Benfika»dagi o‘yinda gol urgan bo‘lsa-da, jamoasi «Chelsi»ga 1:4 hisobida yutqazishdan qutqara olmadi. Shunday qilib, u o‘z faoliyatini vatanda davom ettirishga qaror qildi.
