"Inter" yangi himoyachi xarid qilish va tarkibni yoshartirish bo‘yicha reja tuzganini bir necha bor e’lon qilgan edi. Biroq, taniqli jurnalist Fabritsio Romanoning ma’lumotiga ko‘ra, klubning maqsadlaridan biri amalga oshmay qoldi. Sababi, "Manchester Siti" yanvar oyida Abduqodir Husanovni o‘z safiga qo‘shib oldi.
"Neradzurrilar" himoyachini yozgi transfer oynasida sotib olishni rejalashtirayotgan edi, ammo "shaharliklar" boshqa har qanday jamoa, jumladan "Real Madrid"dan ham tezroq harakat qilib, futbolchini qo‘lga kiritdi. Ular "Lans"ni mavsum o‘rtasida Husanovni qo‘yib yuborishga ko‘ndirish uchun 40 million yevro to‘lagan.
"Inter" Husanovni Stefan De Vrey yoki Franchesko Acherbining o‘rniga o‘rinbosar sifatida kuzatayotgan edi. Klub tajribali himoyachilardan birining o‘rnini to‘ldirish uchun yangi futbolchi olib kelishni rejalashtirmoqda. Mavsum davomida jarohatlar bilan kurashgan Acherbi asosiy nomzod sifatida qaralayotgan edi, biroq u so‘nggi o‘yinlarda yuqori saviyadagi o‘yin namoyish etmoqda.
Ma’lumot uchun, Abduqodir Husanov Angliyaga ko‘chib o‘tganidan beri olti marta maydonga tushib, bitta gol urgan.
