Diogu Jota va ukasi avtohalokatda vafot etdi

Liverpool hujumchisi Diogu Jota va uning ukasi Andre Silva avtohalokatda vafot etdi. Bu haqida Euro-football.ru xabar berdi.

Huquq-tartibot organlari hodisani tergov qilmoqda. Dastlabki ma’lumotlarga ko‘ra, halokatning asosiy sababi sifatida shinaning yorilishi ko‘rsatilmoqda.

Ammo tergovchilar bu hodisada bir nechta sabablar bo‘lishi mumkinligini ta’kidlamoqda. Tragediyadan keyin yo‘lning ayrim qismlarida chuqurchalar va yoriqlar aniqlangani sababli odamlar yo‘l sharoitlarini tanqid qilmoqda.

Mahalliy hokimiyat vakili “Bu fojiani qabul qilish qiyin. Hozircha yo‘l holati haqida gapirish erta.

Ekspertlar va politsiya hisobotlarini kutish lozim”, dedi. Ma’lum bo‘lishicha, Diogu Jota va Andre Silvani olib ketayotgan avtomobil yo‘ldan chiqib, yonib ketgan.

Agar shin yorilgan bo‘lsa, buning sabablaridan biri yuqori harorat, noto‘g‘ri bosim yoki oldingi zarbalar natijasida yuzaga kelgan nuqson bo‘lishi mumkin. Hodisa yuzasidan tergov davom etmoqda va barcha omillar o‘rganilmoqda.

Shu bois jamoatchilik va mutaxassislar to‘liq ma’lumotlarni kutmoqda.