Madueke «Chelsi»ni tark etishi mumkinligi aytildi
«Chelsi» jamoasining bosh murabbiyi Enzo Mareska Noni Maduekening yaqin orada klubni tark etishi mumkinligini ma’lum qildi. Bu haqida Euro-football.ru xabar berdi.
23 yoshli futbolchi Londonning boshqa yirik jamoasi «Arsenal»ning transfer maqsadlaridan biri hisoblanadi. Shuningdek, mavjud ma’lumotlarga ko‘ra, ingliz futbolchisi ham yangi jamoaga o‘tishga qiziqish bildirgan.
Mareska Maduekening kelajagi haqidagi savolga javob berar ekan, ochiq-oydin ishora qildi. U shunday dedi: «Men faqat biz uchun o‘ynashni istagan futbolchilar bilan ishlashni xohlayman, qolganlari ketishi mumkin».
Bu so‘zlar futbolchining klubdagi kelajagi haqida aniq fikr bildiradi. Klubning Jahon Chempionlar Kubogi chorak finalida «Palmeiras»ga qarshi o‘tkazilgan o‘yinda Noni Madueke 54-daqiqada zaxiradan maydonga tushdi.
Uchrashuv 2:1 hisobida ingliz jamoasining g‘alabasi bilan yakunlandi. Ushbu voqealar Maduekening yaqin kunlarda jamoani tark etishi ehtimolini kuchaytirmoqda.
Klub va futbolchi o‘rtasidagi kelishuvlar yaqinda hal qilinishi kutilmoqda.
