«Spartak» jamoasining hujumchisi Manfred Ugalde hali ham «Feyenoord» klubiga o‘tishi mumkin. Bu haqida Euro-football.ru xabar berdi.
Avvalroq, 23 yoshli futbolchini 15 million yevroga sotishdan «Spartak» bosh tortgani haqida ma’lumot tarqalgan edi. Mashhur jurnalist Fabrizio Romano ushbu ma’lumotni tasdiqladi.
Manbaga ko‘ra, Ugalde va uning atrofidagilar Yevropaga qaytishga qiziqish bildirgan. Klub o‘rtasidagi yangi muzokaralar yaqin 48 soat ichida boshlanishi kutilmoqda.
Shuningdek, shaxsiy shartnoma shartlari muammo tug‘dirmaydi. O‘tgan mavsum Rossiya Premer-ligasida 23 yoshli Ugalde 29 o‘yinda 17 ta gol urib, turnirning eng yaxshi to‘purariga aylangan.
