Madridning «Real» futbol klubining qanot himoyachisi Rodrigo joriy transfer oynasida klubini o‘zgartirish haqida o‘ylamoqda. Bu haqida Euro-football.ru xabar berdi.
24 yoshli futbolchi zaxiradagi o‘yinchi sifatida qolishga tayyor emas va jamoa asosiy tarkibiga kirish unga qiyin kechmoqda. Bu holat jamoaning bosh murabbiyi Xabi Alonso boshchiligida bo‘lib o‘tgan dastlabki o‘yinlarda yaqqol ko‘rinmoqda.
ESPN Brasil manbalariga ko‘ra, hozirda Rodrigoning agentlari Parijning «PSJ», Londondagi «Arsenal» va «Manchester Siti» klublari bilan muzokaralar olib bormoqda. Futbolchining o‘zining qaysi klubni afzal ko‘rishi haqida ma’lumot yo‘q.
Avvalroq «Real» jamoasi Rodrigoni sotishdan taxminan 90 million yevro daromad olishni rejalashtirayotgani haqida xabarlar tarqalgan edi. Transfermarkt sayti esa braziliyalik futbolchining bozor qiymatini shuncha miqdorda baholamoqda.
