Mashhur tennischi Karlos Alkaras joriy yil uchun "Oltin to‘p" mukofotiga asosiy da’vogar futbolchilarni nomladi. Bu haqida Euro-football.ru xabar berdi.
Uning fikriga ko‘ra, eng kuchli uchlikka Lamin Yamal, Usmon Dembele va Rafinya kiradi. Lamin Yamal va Rafinya Dias "Barselona" jamoasiga La Liga, Ispaniya kubogi va mamlakat superkubogini qo‘lga kiritishda yordam berdi.
Shuningdek, ular Chempionlar ligasida yarim finalgacha yetib bordilar. Usmon Dembele esa "PSJ" jamoasining asosiy o‘yinchilaridan biri bo‘lib, jamoasi bilan Chempionlar ligasi va mamlakatdagi barcha musobaqalarda g‘olib chiqqan.
"Oltin to‘p" mukofotini topshirish marosimi 22 sentabrga belgilangan. Nomzodlar ro‘yxati esa avgust oyida e’lon qilinadi.
Ushbu sovrin yil davomida eng yaxshi futbolchini taqdirlash uchun beriladi va futbol olamida katta ahamiyatga ega.
