Braziliya terma jamoasi bosh murabbiyi Karlo Anchelottining o‘g‘li Davide "Botafogo" klubi bosh murabbiyi lavozimiga tayinlanishi mumkin. Bu haqida Euro-football.ru xabar berdi.
Bu haqda mahalliy Globo Esporte nashri xabar berdi. Manbaning ma’lumotlariga ko‘ra, "Botafogo" jahon klublari chempionati yakunlangach, avvalgi murabbiy Renato Payvuni iste’foga chiqarib, Braziliya futbol konfederatsiyasiga Anchelotti yosh bilan shartnoma tuzish niyatini bildirdi.
Hozirda Davide Braziliya terma jamoasi shtabida faoliyat yuritmoqda. Jahon chempionati saralash bosqichining oxirgi ikki turigacha jamoa musobaqa jadvalida uchinchi o‘rinda bormoqda va Ekvador hamda Argentinadan ortda qolmoqda.
Anchelottining o‘g‘li ilgari "PSJ", "Bavariya", "Napoli", "Everton" va Madridning "Real" klublarida ishlagan, ammo mustaqil bosh murabbiy sifatida faoliyat yuritmagan. Ushbu tayinlov uning murabbiylik faoliyatida yangi bosqich bo‘lishi kutilmoqda.
