Milanning "Inter" klubi yarim himoyachisi Davide Frattezi klubni tark etish niyatidan voz kechdi. Bu haqida Euro-football.ru xabar berdi.
25 yoshli futbolchi oldingi bosh murabbiy Simone Indzagi davrida o‘z rolidan norozi bo‘lib, jiddiy ravishda klubni tark etishni o‘ylagan edi. Ammo iyun oyida jamoa bosh murabbiyi sifatida Kristian Kivu tayinlangach, vaziyat tubdan o‘zgardi.
Endi Frattezi ketishni istamayapti va klub bilan shartnomasini uzaytirish niyatida ekanini bildirdi, deb xabar beradi mashhur jurnalist Janluka di Martzio. Yangi murabbiy shaxsiy suhbatda futbolchiga uning jamoaning asosiy tarkibida muhim o‘rin egallashini aytgan.
Shu bois Frattezi o‘zining kelajagini faqat "Inter" bilan bog‘lash niyatida. Oldinroq "Yuventus" va "Napoli" klublari yarim himoyachiga qiziqish bildirgani ma’lum bo‘lgan.
Hozirgi vaqtda futbolchining "Inter" bilan amaldagi shartnomasi 2028 yilgacha mo‘ljallangan. Klub va o‘yinchi o‘rtasidagi hamkorlik davom etishi kutilmoqda.
