Inter Mayami jamoasi boshqaruvchisi Xavyer Maskerano Lionel Messining hozirgi o‘yin darajasi haqida fikr bildirdi. Bu haqida Euro-football.ru xabar berdi.
38 yoshli futbolchi MLSda ketma-ket to‘rtinchi o‘yinda dubl qayd etib, yangi rekord o‘rnatdi. Ushbu o‘yinda esa veteran futbolchini "Nyu-Inglend Revolyushn" to‘xtata olmadi va "qaplilar" 2:1 hisobida g‘alaba qozondi.
Maskerano o‘yindan so‘ng o‘tkazilgan matbuot anjumanida, "Messi o‘n yil oldingi darajada qoladimi? Albatta.
Leo futbol tarixidagi eng yaxshi o‘yinchi. U hali ham shunday darajada o‘ynayotgani ajoyib.
Biz uchun baxtki, u biz bilan birga o‘ynaydi", dedi. Lionel Messi MLS-2025 mavsumida 15 o‘yinda 14 ta gol urib, to‘purarlar ro‘yxatida ikkinchi o‘rinni egallab turibdi.
Uning yuqori natijalari jamoaga katta foyda keltirmoqda va kelajakda ham yaxshi natijalar ko‘rsatishiga ishonch bor.
