Barselona jamoasining bosh murabbiyi Hans-Diter Flik Manchester Yunayted klubining hujumchisi Markus Reshfordni jamoaga qo‘shib olish imkoniyatiga ijobiy qaramoqda. Bu haqida Euro-football.ru xabar berdi.
Bu haqda ijtimoiy tarmoqlardagi manbalar orqali insider Matteo Moretto ma’lum qildi. Nemis mutaxassisi Reshfordning transferini ma’qullab, uni jamoada kutayotganini bildirdi.
Tez orada Barselona va Manchester Yunayted o‘rtasida ushbu transfer bo‘yicha muzokaralar o‘tkazilishi rejalashtirilgan. O‘z navbatida, Reshford ham faoliyatini kataloniyalik superklubda davom ettirishni istamoqda.
O‘tgan mavsumda hujumchi 41 ta o‘yinda maydonga tushib, 11 ta gol urdi va 9 ta golli uzatmani amalga oshirdi. Uning transfer qiymati taxminan 50 million yevroga baholanmoqda.
Ushbu holat Barselona jamoasining hujum chizig‘ini kuchaytirishga qaratilgan rejalaridan biri sifatida ko‘rilmoqda.
