Endrik jarohati sabab maydonda bo‘lmasligi mumkin
Madridning “Real” futbol klubining hujumchisi Endrik yangi mavsumning boshlanishida maydonga chiqa olmasligi mumkin. Bu haqida Euro-football.ru xabar berdi.
The Athletic nashrining xabar berishicha, 18 yoshli braziliyalik futbolchi son bo‘g‘imidan olgan jarohatining qaytalanishi sababli jamoa mashg‘ulotlaridan orqada qolmoqda. Manbaning ma’lumotlariga ko‘ra, iqtidorli futbolchi bir necha hafta maydonda bo‘lmasligi mumkin, bu esa uning 2025/2026 yilgi mavsumga tayyorgarlik ko‘rishiga to‘sqinlik qiladi.
Endrikning maydonga qaytish aniq sanalari keyinchalik e’lon qilinadi. Eslatib o‘tamiz, Ispaniya chempionati birinchi turida “Real” o‘z maydonida “Osasuna” jamoasini qabul qiladi.
Ushbu o‘yin 19 avgust kuni bo‘lib o‘tadi. O‘tgan mavsumda Endrik “Real” safida 37 ta o‘yinda maydonga tushib, yetti ta gol urdi va bir marta golga uzatma berdi.
