Salgado: Luis Enrike PSJni qiyindan olib chiqdi

Madridning “Real” jamoasining sobiq himoyachisi Mishel Salgado “PSJ” bosh murabbiyi Luis Enrike haqida fikr bildirdi. Bu haqida Euro-football.ru xabar berdi.

Salgado Kylian Mbappe jamoani tark etgach, murabbiy klubni qiyin vaziyatdan olib chiqa olganini ta’kidladi. U aytishicha, “PSJ” jamoasi o‘yin uslubini o‘zgartirib, endi individual o‘yinchilardan ko‘ra jamoaviy o‘yinni ustun qo‘ymoqda.

Bu murabbiy o‘yinchilarni yaxshi motivatsiya qila oladi. Barcha futbolchilar maydonda yuqori harakat intensivligini namoyish etmoqda.

Dembele esa dunyodagi eng yaxshi himoyachilar singari bosim o‘tkazmoqda, deb ta’kidladi Salgado. O‘tgan mavsumda Parij jamoasi Fransiya chempionati, Kubok va Superkubokni qo‘lga kiritdi, shuningdek, Chempionlar Ligasi g‘olibi bo‘ldi.

13 iyul kuni “PSJ” Klub jamoalari jahon chempionati finalida “Chelsi” jamoasi bilan o‘ynaydi. Salgado fikricha, Luis Enrike jamoani yangi marralarga olib chiqmoqda va uning ish faoliyati ijobiy baholanmoqda.