Ispaniyaning «Barselona» futbolchisi Lamin Yamalning ziyofatida ishtirok etgan kichik bo‘yli artist va uning hamkasblari o‘zlarini himoya qilishga ehtiyoj sezmasliklarini bildirdi. Bu haqida Euro-football.ru xabar berdi.
Ularning fikricha, ular hech qanday hurmatsizlikka uchramagan va tinch ishlashga haqli. Oldinroq, ADEE tashkiloti vakillari, kichik bo‘yli insonlarga nisbatan hurmatsizlik bo‘lganini aytib, Yamalni tanqid qilgan edi.
Biroq artist bu iddaolarni rad etib, aynan ADEE kichik bo‘yli insonlarni kamsitishga intilayotganini ta’kidladi. Ular bir necha yildan beri animator sifatida faoliyat yuritmoqda va sog‘lig‘i tufayli ish qilishga to‘sqinlik qilinmasligi kerakligini bildirdi.
Ispaniya ijtimoiy huquqlar vazirligi esa nogironlar huquqlari buzilish holatlarini o‘rganish maqsadida huquqni muhofaza qiluvchi organlarga tekshiruv o‘tkazishni topshirdi. Bu holat jamiyatda teng huquqlilik va inson qadr-qimmatini hurmat qilish masalalarini yana bir bor dolzarb qilmoqda.
