Barselona klubi Liverpul jamoasidan hujumchi Luis Dias uchun so‘rayotgan narxni pasaytirishini kutmoqda. Bu haqida Euro-football.ru xabar berdi.
28 yoshli kolumbiyalik futbolchi “ko‘k-qizil” jamoaning ustuvor maqsadlaridan biri bo‘lib qolmoqda. Biroq, Barselona moliyaviy qiyinchiliklarga duch kelayotgani sababli transferni amalga oshirish oson bo‘lmaydi.
Mundo Deportivo nashrining xabariga ko‘ra, Barselonada Liverpul jamoasi Madriddagi Real klubi futbolchisi Rodrigoni ham o‘z safiga qo‘shmoqchi ekanligini bilishadi. Bundan tashqari, braziliyalik futbolchini sotib olish uchun “qizillar” o‘z jamoasidan bir futbolchini sotishga majbur bo‘lishi mumkin, shuning uchun Dias transferi bo‘yicha chegirma qilish umidi mavjud.
Transfermarkt portali Luis Diasning narxini 70 million yevroga, Rodrigoning esa 90 million yevroga baholamoqda. Shunday qilib, Barselona klubining Dias uchun narxni kamaytirish borasidagi umidlari borligi ma’lum.
