Angliya terma jamoasi va Londonning "Chelsi" klubida o‘ynayotgan yarim himoyachi Koul Palmer klubini almashtirishi mumkin. Bu haqida Euro-football.ru xabar berdi.
Bu haqda Fichajes nashri xabar bermoqda. Ma’lum bo‘lishicha, 23 yoshli futbolchining xizmatlariga Fransiyaning "PSJ" klubi qiziqish bildirmoqda.
Parijliklar transfer bo‘yicha rekord o‘rnatishga tayyor va angliyalik futbolchi uchun 250 million yevro taklif qilmoqda. Hozirgi vaqtda eng qimmat transfer "PSJ" va "Barselona" o‘rtasida Neymar uchun amalga oshirilgan bo‘lib, uning narxi 222 million yevroni tashkil etadi.
Shuningdek, Koul Palmer 2025 yilda klubaro jahon chempionatining eng yaxshi o‘yinchisi deb topilgan. Uning "Chelsi" bilan amaldagi shartnomasi 2033 yil o‘rtalariga qadar mo‘ljallangan.
Ushbu transfer futbol bozorida katta qiziqish uyg‘otmoqda va kelgusida katta o‘zgarishlarga sabab bo‘lishi mumkin.
