Chorshanba kuni Lamin Yamal bilan shartnoma uzaytirilishiga bag‘ishlangan tantanali marosim bo‘lib o‘tdi. Bu haqida Euro-football.ru xabar berdi.
Futbolchi yaqinda 18 yoshga to‘lgan bo‘lib, u «Barselona» klubi bilan keyingi olti mavsumga mo‘ljallangan mehnat shartnomasiga imzo chekdi. Shartnoma 2031 yil o‘rtalarigacha amal qiladi.
Tadbir doirasida «Barselona» prezidenti Joan Laporta Yamalga 10-raqamli futbolkalarni taqdim etdi. Endi Lamin «ko‘k-qizil» jamoasi safida shu raqam ostida maydonga tushadi.
Avvalgi yillarda ushbu raqamni Lionel Messi, Ronaldinyo va boshqa ko‘plab millionlab muxlislarning qahramonlari kiygan. Lamin yaqinda voyaga yetgan bo‘lsa-da, «Barselona» birinchi jamoasida 106 ta o‘yinda maydonga tushdi.
Ushbu o‘yinlarda u 25 ta gol urdi va 34 ta golli pas berdi. Uning jamoaga qo‘shgan hissasi katta ekanligi aniq ko‘rinib turibdi.
