Google Android Auto'ni yangiladi: zudlik bilan o'rnating

Google Android Auto'ning 14.4 beta versiyasini chiqardi, deb Pepelac News xabar berdi. Yangilanish keng omma uchun keyingi haftada taqdim etiladi. Har doimgidek, o‘zgarishlar ro‘yxati rasmiy tarzda e'lon qilinmagan, ammo asosiy urg‘u barqarorlikni oshirish va yangi funksiyalarga tayyorgarlikka qaratilgan.

Android Auto hozirda telefon orqali ishlagani sababli, avtomobil funksiyalariga cheklangan kirish imkoniyatiga ega. Google bu holatni o‘zgartirmoqchi — ayniqsa, avtomobilning havo nazorati funksiyasini Android Auto interfeysiga qo‘shishni rejalashtirmoqda.

Bu tugmalar interfeysning pastki paneliga joylashtiriladi, bu esa ularga tezkor kirishni ta'minlaydi. Ushbu funksiya avvalgi versiyalarda kuzatilgan, endi esa Google uni to‘liq joriy etishga yaqinlashmoqda.

Bundan tashqari, Android Auto orqali avtomobil multimedia ekranida Android o‘yinlarini ishga tushirish mumkin bo‘ladi. Dastlabki qo‘llab-quvvatlangan o‘yinlar — Angry Birds va Candy Crush. Buning uchun Android 15 va Android Auto'ning eng so‘nggi versiyasi talab etiladi.

Yana batafsil e’lonlar 20–21 may kunlari bo‘lib o‘tadigan Google I/O konferensiyasida kutilmoqda.