O‘zbekistonda oltin narxi ketma-ket uch kun oshmoqda
O‘zbekistonda 5 grammli oltin narxi ketma-ket uchinchi kun oshmoqda, deb Kursiv.media Markaziy bank matbuot xizmatiga tayanib xabar berdi. 3 aprel holatiga ko‘ra, 5 grammli slitok narxi ilk bor 6,75 million so‘mga yetdi.
Shuningdek, 10 grammli slitok narxi 13,5 million so‘mga, 20 grammli esa 27 million so‘mga ko‘tarildi.
Markaziy bank 50 va 100 grammli slitoklar narxini ham yangiladi: ular mos ravishda 67,5 million va 135,1 million so‘mni tashkil etmoqda.
UBS banki tahlilchilarining fikriga ko‘ra, joriy yil oxiriga kelib, jahon bozorida oltin narxi $3,200 gacha ko‘tarilishi mumkin.
