O‘zbekistonda raqamli xizmatlar 1040 taga yetdi
O‘zbekistonda elektron hujjatlar almashinuvi tufayli har yili 24 milliard so‘m mablag‘ iqtisod qilinmoqda. Bu haqda Zamin.uz xabar berdi.
Bu haqda Prezident Shavkat Mirziyoyev byurokratiyaga qarshi kurash bo‘yicha o‘tkazilgan forumda ma’lum qildi. Davlat rahbarining so‘zlariga ko‘ra, Davlat xizmatlari markazlari, Yagona interaktiv davlat xizmatlari portali va "Raqamli hukumat" tizimi joriy etilishi natijasida davlat xizmatlari soni 444 tadan 1040 taga yetgan.
Ko‘rsatilgan xizmatlar hajmi esa 55 milliondan ortiqni tashkil qilmoqda. So‘nggi yillarda mamlakatda 90 dan ortiq yangi xizmatlar joriy qilingan bo‘lib, ulardan taxminan 30 tasi real vaqt rejimida taqdim etilmoqda.
Byurokratiyani qisqartirish maqsadida 160 dan ziyod litsenziya bekor qilingan, shuningdek, 100 dan ortiq hujjatlarni onlayn olish imkoniyati yaratilgan. Tadbirkorlar uchun biznesni masofadan turib ro‘yxatdan o‘tkazish imkoniyati ta’minlandi.
2030 yilga qadar Toshkentda davlat xizmatlari soni 1500 taga yetkazilishi, onlayn xizmatlarning ulushi esa 95 foizga yetishi rejalashtirilgan. Kelgusi yilda yana 250 ta xizmat raqamlashtirilishi va "Qog‘ozsiz hukumat" tizimiga o‘tish maqsad qilingan.
Shuningdek, litsenziyalash, qurilish va kommunal tarmoqlarga ulanish sohalarida 300 dan ortiq xizmatni soddalashtirish rejalashtirilgan. Kommunal tarmoqlarga yagona ariza asosida ulanish imkoniyati yaratiladi.
Qolaversa, 100 dan ortiq xizmatlarning ko‘rsatish muddatini qisqartirish, davlat xizmatlari portali va boshqa tizimlarga sun’iy intellektni joriy etish rejalashtirilmoqda. Manba: One.uz
